Президент қарори билан Париж-2024 ёзги Олимпия ва Паралимпия ўйинларида совриндор бўлган ўзбекистонлик спортчилар олтин медаль учун — 200 минг доллар, кумуш медаль учун — 100 минг доллар, бронза медаль учун — 50 минг доллар миқдоридаги пул билан мукофотланади.
2024 йилги Париж Олимпиадаси ва Паралимпия ўйинларига тайёргарлик кўриш бўйича мақсадли кўрсаткичларда ўзбекистонлик спортчилар учун 26 спорт тури бўйича 103 та лицензия олиш кўзда тутилган. Ушбу ўйинларда биринчи марта эркаклар ва аёллар ўртасида тенг миқдордаги лицензиялар тақсимланади. МОҚга Олимпиадада иштирок этиш учун ариза топширадиган спортчи аёллар сонини кўпайтириш топширилди.
Андижон, Самарқанд, Сурхондарё ва Хоразм вилоятлари раҳбарлари Олимпия ва Паралимпия ўйинларида совриндор бўлган спортчиларни автомашина ва уй билан мукофотлади. Аввалроқ, спортчиларга президент совғаси ҳам топширилган эди.
6 сентябрь куни Токиодаги Паралимпия ўйинларида иштирок этган Ўзбекистон делегацияси кутиб олинди. «Янги Ўзбекистон» боғида спортчиларга бағишланган тадбир бўлиб ўтди. Паралимпиадада совриндор бўлган спортчиларга президент совғаси — уй ҳамда автомобиллар топширилди (фото).
Токио-2020 Паралимпия ўйинларида ўзбекистонлик пара-енгил атлетикачи Сафия Бурханова олтин медални қўлга киритди.
Ўзбекистонлик пара-сузувчи Шоҳсанам Тошпўлатова бронза медалини қўлга киритди. Шу тариқа мазкур Паралимпия ўйинларидаги медалларимиз 5 та олтин, 4 та кумуш ва 6 та бронзага етди.
Ўзбекистонлик пара-енгил атлетикачи Бобуржон Омонов Паралимпия ўйинларида олтин медални, яна бир пара-енгил атлетикачи Нурхон Қурбонова бронза медални қўлга киритди.
Ўзбекистонлик пара-дзюдочи Шариф Ҳалилов бронза медали соҳиби бўлди. У бундан аввал Лондон-2012 Паралимпиадасида кумуш медалга сазовор бўлган эди.
Пара-енгил атлетикачи Асила Мирзаёрова Токиода бўлиб ўтаётган ёзги Паралимпиада мусобақаларида кумуш медални қўлга киритди.
Токиодаги ёзги Паралимпия ўйинлари очилиш маросимида параканоэчи Шаҳноза Мирзаева ва енгил атлетикачи Мухаммад Рехсимов Ўзбекистон байроқдорлари бўлади. Аввалроқ, енгил атлетикачи Нурхон Қурбонова байроқдор бўлиши айтилган эди.
Токиодаги ёзги Паралимпия ўйинлари очилиш маросимида енгил атлетикачилар Муҳаммад Рехсимов ва Нурхон Қурбонова Ўзбекистон байроқдорлари бўлади.
Токиодаги Паралимпия ўйинларида Ўзбекистон шарафини 48 нафар спортчи ҳимоя қилади. Ўзбекистонлик спортчилар 8 та спорт тури бўйича кураш олиб борадилар — энг кўп спортчилар пара-енгил атлетика ва пара-сузишда (спортчиларнинг тўлиқ рўйхати).
Токио-2020 ёзги Олимпия ҳамда Паралимпия ўйинларига йўлланмаларни қўлга киритган бир гуруҳ Тошкент вилояти спортчиларига уй, Spark русумли автомобиллар ҳамда пул мукофотлари топширилди. Аввалроқ, Шавкат Мирзиёев мусобақадан олдин спортчиларнинг кайфиятини кўтариш кераклиги ҳақида айтган эди. «Қанча уларни эътироф этсак уларда ғалабага эҳтиёж пайдо бўлади», — деган эди президент.
Токиода бўлиб ўтадиган ёзги Олимпия ва Паралимпия ўйинларида ғолиб ва совриндор бўлган Ўзбекистон спортчилари бир марталик пул мукофоти билан рағбатлантирилади. Президент қарорига кўра, олтин медаль учун 200 минг, кумуш медаль учун 100 минг ва бронза медаль учун 50 минг АҚШ доллари берилади.
Ёзги Олимпия ва Паралимпия ўйинларига йўлланмани қўлга киритган спортчилар ва уларнинг тренерларига бир марталик пул мукофотлари берилади. Бундан тақшари, нуфузли мусобақалар ғолиблари учун 5 млндан 7 млн сўмгача бўлган стипендиялар жорий этилади. Бу борадаги тақдимот душанба куни президент Шавкат Мирзиёевга тақдим этилган.
Шавкат Мирзиёев Олимпия ва Паралимпия ўйинларига тайёргарликни танқид қилди. У йўлланмалар сонини ошириш учун спортчилар ва уларнинг жамоаларини қўллаб-қувватлаш зарурлигини таъкидлади.
Қўшимча имкониятларга эга булиш учун сайтда рўйхатдан ўтинг